EVMs para corrupt hobole chance ase koikena kotha olai thaga majode NCP chief Sharad Pawar para tai laga party’s booth-level workers khan logode polling din EVM kenaga jolai dekhaideya time deh hosiyar thakibole koise.
Alag alag opposition parties khan para kowah toh, electronic voting machines (EVMs) toh corrupt hobole ektum chance ase. Etu para voting nemide ballot paper system jolabo lagi.
Hoilebe EC para par par koikena thaga toh, EVMs toh tamper-proof ase aro etu deh corrupt hobole naparibo.
Saturday din Maharashtra, Beed district jaga para Pawar para tai laga party workers khan logode video-conference para koikena thaga toh, “BJP khan ke toh biswaas kuribole napari. Polling din time deh apuni morning deh polling booth jaga deh jaikena sabi aro voting toh thek para loi ase na nai sabi”.
NCP state chief Patil be party workers khan logode kotha kora thakise.
Jowah moina New Delhi deh alag alag opposition parties laga top leaders khan toh log korikena EVMs corrupt hobo pai koikena kotha kora thakise. Etu time deh tai khan future course of action nemide plan kora thakise.
Opposition parties khan para kowah toh, “two-three countries khan he EVMs toh jolai. Tusara desh khan toh EVMs deh corruption ase koikena najolai. Tai khan khali ballot papers system he jolai”.
Add Comment