Tuesday din Parliament House laga Central Hall deh President Ram Nath Kovind para Atal Bihari Vajpayee laga noksha olaishe.
President Kovind para kowah toh, purana PM Vajpayee toh highways, IT aro telecom sectors othabo karni besi dukh kora thakise. President parab be Vajpayee laga noksha bona manu Krishna Kanhai logode felicitate kora thakise.
Prime Minsiter Narendra Modi para kowah toh, “Vajpayee toh tai kotha kowah be tai dhanda chip-chup thaga toh besi power thakise. Tai laga silence toh message thakise”.
PM Modi para kowah toh, tai laga political life deh opor aro neji hoise koilebe tai laga principles deh ketya be compromise kora thaga nai. PM para Vajpayee nemide kowah toh, politic deh dushman toh thaga nai. Hoilebe opposition ase. Democracy deh eku dushman nai. Notun generation aro ami khan sob etu toh janibo lagi.
Rajya Sabha deh Opposition leader Ghulam Nabi Azad para be Vajpayee para koikena thaga, “India toh secular nohoile India nahoi” kowah ke yaat kora thakise.
Central hall deh National icon- Mahatma Gandhi, Jawaharlal Nehru, Netaji Subhas Chandra Bose, Rabindranath Tagore, BR Ambedkar, Dadabhai Naoroji, Indira Gandhi aro Shyama Prasad Mookerjee laga noksha toh ase.
Tuita house thaki thaga opor deh Central hall toh alag-alag kaam laga event nemide jolai.
Add Comment