Actress Priyanka Chopra toh top American writer Mindy Kaling nam Vera Mindy Chokalingam logot te Hollywood-Bollywood wedding film project karne eksat kam kuribole karne milise.
Hollywood laga khobor te koise ki film toh multicultural wedding laga ektam funny film ase aro etu film toh India aro United States te set kuribole ase. Khobor pora koise ki Mindy toh kisim Indian cultures bishi jani kena dhakilebe, PeeCee pora jowa sal dhakiya wedding organization te pora tai laga personal experience bhag kuri ase.
‘Crazy Rich Asians meets My Big Fat Greek Wedding’ project, aro etu film toh Brooklyn Nine-Nine laga co-creator Dan Goor logot te Mindy pora likhise.
Priyanka pora bhi Instagram te khobor bhag kurise. “Kahani phal kobole mon echa dhakiya tweita maiki, pora THEIR story THEIR way te rasta khulise. @mindykaling aro #dangoor! Logot te kam kuribole bishi khushi pai ase .moi khan pora modern, global, aro Indian howa laga matlab toh dekhabole ase. Abni khan ke cinema te dekhibo! (sic)”
“PeeCee pora tai laga mehnat dibole ase hoile bhi hoile bhi etu toh tai laga personal weeding kahani laga inspiration nahoi. Etu toh PeeCee pora Nick Jonas logot te shadi kuriya biche te chuniya laga role ase aro etu itefag toh film laga kahany te compare kuribole pare,” khobor pora koise.
PeeCee etu sal New York te Met Gala laga host hoise, Mindy laga akhri bar actor hoi ken ula toh jowa sal Ocean’s Eight laga film te dhakise.
Add Comment