Real Madrid para Zinedine Zidane ke manager hesab te dubara elect kurishe

Madrid: Real Madrid tai khan laga sob para biya crises toh khotom kuribole kosis te tai khan laga sob para successful figures ke dubara chunishe.

Zinedine Zidane toh Real Madrid ke coach kuribole dubara wapas ahishe. Real Madrid ke Zinedine Zidane para straight Champions League laga teenta titles jeeti dishe. Zidane toh Real Madrid ke nou moina agote charishe.

Monday te Madrid para announce kurishe ke Zidane toh Santiago Solari ke bodoli kuribole laga offer toh acceot kurishe. Aro Ziodane toh club logote June 2022 tok thakibole contract sign kurishe. Zidane toh etiya Real Madrid ke tai khan laga sob para biya season para wapas ghurai kena anibole pura kosis kuribole ase.

Real Madrid tai khan laga coach bodoli kuribole laga fasla toh Barcelona khilaf te duita matches hariya nimite aro Ajax logote match hari kena Champions League para bahar hoishe. Coach bodoli kuribole laga fasla toh ek hafta para bhi komti samay bhitor te ahishe.

Zidane koishe moi wapas ghor tea hi kena bishi khushi ase. Moi Real Madrid ke dubara coach kuribole pura taiyar ase.

Spanish laga TV channel La Sexta para Zidane laga khobor toh poila janaishe.Etu laga khobor toh Monday din te Madrid te board of directors khan lok kura pichete ahishe.