LOS ANGELES:American daily Los Angeles Times khobor kurishe Bangladesh te thaka Rohingya Hindus khan Myanmar te wapas jabole echa thaka koishe. Hoile bhi Bangladesh officials khan tai khan ke etu laga permission nade koishe.
Wednesday te Bangladesh Kutupalong Refugee Camp para khobor pa opor te newspaper koishe jua May te UN para bana deal te 105 Hindu families khan toh Bangladesh charibole taiyar thakishe. UN para etu deal toh refugees khan ke wapas Myanmar laga Rakhine state te jabole banai kena thakishe. Hoile bhi tai khan toh Bangladesh te he fasi kena thakijaishe. Kile koile UN decide kurishe ke refugees khan toh wapas Myanmar te jabole safe nai koishe.
Bangladesh te thaka 400 Hindu refugees khan alag alag hoi jaishe. Aro tai khan ke separate facility te rakhi kena ase. Etu facility khan ke Hindu Camp koi kena ase. Etu facility khan toh security under te hodai thake.
Los Angeles Times koishe Hindu families khan Indian government ke bhi modfot mangishe koishe. Hoile bhi etiya tok khali humanitarian aid he paishe koishe.
Newspaper hesab te 700,000 Rohingya Muslim refugees chari kena Hindus khan toh Myanmar citizenship ase.
Rohingya khan Bangladesh te exodus kora toh August 2017 te suru hoishe. Etu toh ketiya ARSA khan Myanmar laga security posts aro security forces aro vigilantes ekso opor Muslims khan ke murai kena aro bosti khan khotom kuri de kena jawab dishe.
ARSA hamla kora laga security forces’ para jawab diya toh UN para condemn kurishe.
Khobor hesab te Hindus khan ke toh ARSA para hamla kurishe. Tai khan toh security forces aro vigilantes khan laga victim thakishe.
ARSA hamla verify kora Amnesty International koishe khobor hesab te juwa May te 99 Hindu bacha, maiki aro mota muraishe koishe.
Add Comment