International

Russia-led free-trade zone te aro panchta desh melishe

Tehran (MNA):Russia para chola Eurasian Economic Union (EAEU) aro dusra panchta desh majote free-trade agreements sign hubole expect kuri ase. Etu panchta desh khan logote aro Singapore, India, Egypt aro olop saal bhitor te Iran bhi hubole ase.

Etu toh Russia laga First Deputy Minister of Industry Sergey Tsyb lag hesab te ase. Tai koishe ke WTO member states khan toh etiya 7,500 opor non-tariff measures use kuri ase. Etu te quotas, licenses, restrictions aro embargos. Etu sob toh industrial goods ke mon te rakhi kena ase.

Khobor hesab te bishi saal nohoi kena Israeli regime khan bhi EAEU te melijabole ase.

Official koishe ami khan laga opinion hesab te ami khan free-trade zone agreement laga conclusion te ekdam phurti (active) para agay jai thakile toh etu bishi productive hubole ase.

Tia para explain kurishe judi etu possible hoi jaile toh etu para regional trade hubs framework bhitor para he exports toh promote kuribo. Global markets laga challenges aro bishi sensitive situation te etu possible hoile toh bishi modot hubole ase. Etu modot toh Russian export initiatives promotion te hubole ase.

Russian Today khobor kurishe EAEU free-trade deal te 40 opor desh aro international organizations khan para interest thaka dekhaishe. Etu desh khan te China aro Indonesia aro South American desh khan bhi interest thaka dekhaishe. Trade bloc para South Korea, Egypt aro India logote bhi negotiations kurishe koishe.

Jua saal Iran para economic bloc logote interim agreement sign kurishe. Aro teen saal bhitor te full-fledged agreement kuribole expect kuri ase.

Friday te Russia nimite Iranian Ambassador Mehdi Sanaei koishe ke olop saal bhitor te EAEU aro Iran majote Iranian parliament para free-trade agreement toh ratify kuribole expect kuri ase. Tai koishe etu agreement toh Iran nimite bishi zaruri ase. Kile koile dangor markets te etu para ami khan laga desh nimite bishi dangor darwaza khuli de ase. Aro Russia aro northern desh khan nimite Iranian market khuli de ase.