New Delhi: Monday din New Delhi deh, North East Students’ Organisation (NESO) laga members toh Samajwadi Party leader aro Rajya Sabha member, Javed Ali Khan logode log korishe. Tai khan log powah toh Citizenship Amendment Bill deh lelaaf kori thaga ke support pabo karni ase.
Meeting time deh NESO para kowah toh, SP member para wada kora toh Jodi CAB toh Upper House deh table hoise koile party para kelaaf koribo.
Khan be Joint Parliamentary Committee laga members ase. Etu toh chamala olai thaga bill deh kotha koribo karni bona laga ase.
NESO para khobor janaideya toh, saam phali Bahujan Samaj Party (BSP) laga members logodebe meeting thakibole ase.
Poila khobor janaidekena thaga toh, Northeast deh kelaaf korikena thaga bechidebe Rajya Sabha deh BJP toh BSP-SP laga support para bill passed kuribole thakise.
North East Students’ Organisation laga leaders toh ahha jaa kori ase. Etu toh CAB deh kelaaf koribo karni political parties laga support pabo karni ase. Etya tak NESO toh JD (U), SP, Shiv Sena aro Rahul Gandhi logode log korikena ase.
Region deh NESO toh anti-CAB movement deh tek para active loikena ase. Tai para kowah toh, judi bill toh Act hoise koile, Northeast indigenous laga culture aro tradition toh kothom hoijabo.
Add Comment