GUWAHATI | January 9, 2019: Tuesday te Assam laga Finance Minister Himanta Biswa Sarma koishe ke Bangladesh aro Pakistan laga Hindu refugees khan ke citizenship grant kora issue toh secularism para nohoi kena religion para he solve hobo koishe.
Etu statement toh Lok Sabha bill pass kora laga olop ghanta pichete ahishe. Etu kotha opor te bishi manu khan toh bisas kuri ase ke etu toh Indian constitution laga fundamental aspects against te ase.
NDTV koishe BJP leaders khan tai khan laga party laga stand toh maintain kurishe. BJP koishe tai khan laga party toh he first nohoi etu Hindu refugees cause uthabole. NDTV logote kotha kora samay te Sarma koishe ami khan etu religious line adobt kurishe kile koile osor laga desh khan te Hindus khan opor te bishi persecutions hoi thake. India toh Pandit Jawaharlal Nehru aro Mahatma Gandhi laga samay para Hindus right laga saat de ase. Citizenship pabole laga period kom kuribole laga ami khan laga decision toh 12 para choi saal te kuribole ase. Etu decision toh etiya line te ase. Etu toh ami khan laga founding fathers khan laga kotha laga line para ase.
Khobor hesab te minister toh BJP opor te unconstitutional bill ani ase kowa laga nizam diya laga jwab diya ase koishe. Bishi activists khan bisas kuri as eke etu citizenship grant kora toh Assam Accord-1985 toh dilute kuribole laga idea ase koishe. Assam Accord-1985 te clearly koi kena ase ke kun immigrant bhi Assam te 1971 pichete illegally aha toh wapas deport kuri dibo pare. Etu toh immigrants toh ke dhorom para hoile bhi eku compromise nohubo.
Activist Samujjal Bhattacharjee koishe region te manu khan protests kora witness kori kena manu khan toh etu move para biya pai kena thaka toh clearly dekibo parishe. Saatta states laga manu khan toh etu shutdown te equally hissa loishe. Saatta states khan toh political injustice aro illegal Bangladeshis khan ke bachabole eku move accept nokuribole central government ke strong message dishe.
Hoile bhi Mr Sarma claim kurishe ke Northeat te BJP toh bishi dangor political dividends reap kuribo. Ami khan region te 25 seats te 21 seats pabo koishe. State minister olop samay agote koishe etu bill nimite Assam toh Pakistan founder Muhammad Ali Jinnah laga ideology follow kopra manu khan laga haat te najobole assure kuri ase.
Tuesday te Lok Sabha te Citizenship (Amendment) Bill-2016 pass kurishe. Etu bill laga aims toh samay desh khan te huwa persecutions para pola manu khan ke Indian nationality citizenship dibole ase. Etu toh Hindus, Sikhs, Buddhists, Jains, Parsis aro Christians khan kon hoile bhi hubo pare.
Add Comment