International

Shark Para Maiki Aro Bacha Opor Te Hamla

SYDNEY: Officials aro khobor hesab te Thursday te Australia laga Great Barrier Reef laga popular Whitsunday Islands te shark para maiki aro bacha ke kamurishe(bite). Etu khobor toh enika attacks laga latest ase. 

Queensland state ambulance service koishe maiki aro bacha ke kamura nimite hospital te rush kuri kena loi jaishe. Etu ghatna toh Hamilton Island beach te hoishe. Khobor hesab te tai khan laga jokom toh life-threatening nohoi koishe.

Local media koishe maiki aro bacha, kon opor te hamla hoishe, tai khan toh island laga Catseye Beach te olop deep pani te kheli thakishe.

Whitsunday islands osor te enika shark para huwa ghatna toh latest ase. Whitsunday islands te swim kuribole safe ase koi kena thakishe.

November te ekta manu enika hamla para jokom bishi pai kena murishe. Aro September te huwa ghatna te 12years chukuri toh enika shark hamla te tai laga ekta thang shark para khai dishe. Australia toh duniya te sob para bishi shark para hamla huwa khobor ase. Hoile bhi etu attacks para huwa fatalities toh kom ase.

Sydney laga Taronga Zoo para data compile kora khobor hesab te 2018 te continent laga coast te 20 genika “unprovoked” shark para kora hamla record ase. Etu son majote khali ek hamla toh biya thaka record kurishe.