Sikkim girl Drishya Chettri Miss Teen India hoishe

TNT Desk | November 18, 2018:North East India region laga Sikkim state pora naam kamaishe  .Etu te  Sikkim girl Drishya Chettri ke  Miss Teen India Continent  bonaishe .Etu bi Mumbai November  15 te beauty pageant luwa time te kura ase  .Etu 14 sal maiki etia Thailand laga internation pageant te India desh ke represent kuribole ase  .Drishya  Daragaon, Gangtok te thaka maiki  aro  Bahai School, Tadong laga student  .Tai etu pageant nimete facebook pora apply kurishe  aro tai ke tai laga ama baba aro teachers khan pora modot kurishe .”Etu toh bishi tough competition thakishe  aro mui bhabona kurishe mui etu crown toh anibole paribo koikena  mui laga hard work  aro dedication pora .Mui laga jaka ke naam bonabole mun ase aro mui laga manu khan ke khushi kurai dibole mun ase  .” Drishya  pora SIKKIM EXPRESS logote kotha kura time te koikena janaishe  .Drishya pora tai laga ama baba tai laga baba BK Chetri kun gaari chula laga kaam kureh aro ama Kunta Chettri ke modot kura nimete dhandyaabad kurishe  .”Mui laga ama baba khan mui laga sobse dangor support ase  tai khan pora mui kikoishe sob kurishe etia tak aro mui pora ki decision loishe etu te support kurikena thakishe  .mui bishi khushi paishe tai khan ke .”Tai koikena janaishe .Tai pora tai laga school teachers aro principal khan ke bi dhandyaabad koishe support kura nimete .