Regional

Sikkim Te SKM Aro BJP Milikena Lok Sabha Election Te Khara Koribo

GANGTOK | March 14:  Sikkim te ahiya Lok Sabha aro Assembly election te khara koribo nimite BJP toh Friday te opposition Sikkim Krantikari Morcha (SKM) logote alliance bonaise.

Etu tweita parties majote seats kenika bhag koribo, etu toh phat khobor koribo, BJP laga Sikkim in-charge Nitin Nabin pora koise.

SKM president P.S. Golay aro BJP laga North-East in-charge Ram Madhav pora etu alliance toh New Delhi te fesla korise, tai pora koise.

Faceboo aro twitter te ekki nisina post te, Mr. Madhav pora khobor korise ki tweita parties toh election nimite haat milaise aro SKM ke Sikkim laga asol opposition party koikena maanise.

Sikkim te 32-member Assembly aro ekta Lok Sabha seat nimite elections toh ekki logote April 11 te thakibo.

2014 Assembly election te, SKM pora 10 seats jitise hoilebi etiya House te tai khan laga haat te  khali tweita MLAs hi ase.

Saathta MLAs toh 2015 t e ruling Sikkim Democratic Front (SDF) te jaise, aro Mr. Golay ke toh 2016 te Assembly laga membership pora hatai dise, kile koile corruption pora tai ke ek saal laga sajai diya nimite.

Etu ruling SDF pora SKM-BJP alliance nimite ekkko kotha koribole mon thakiya nai. “Etu mamla te etiya moi khan ekko kobole nai,” SKM spokesperson K.T. Gyaltsen pora koise.

BJP-led National Democratic Alliance (NDA) te SDF laga position te, Mr. Gyaltsen pora koise ki tai laga party toh national level te coalition laga hisa ase.

Hoilebi BJP laga Sikkim in-charge pora etu kotha ke maana korise.

Desh te sobse lamba samoy karne thakiya Chief Minister Pawan Kumar Chamling pora loikena ruling SDF logote Assembly te 29 MLAs ase.