Sports

Simona Halep Australian Open Te Dukh Paise

World number one Simona Halep Australian Open te dukh pora third round te Venus Williams logot Thursday te khelibo karne othise. Etu laga aage te tai ke Sofia Kenin pora teenta sets te besi diktar dise. Etu Romanian top seed pora hoilebi American ke 6-3, 6-7 (5/7), 6-4  pora twei-aro-aatha ghanta te haraise. French Open champion ke diktar diya pora tai laga next round  karne hi besi bhal kori dibo ketiya tai Grand Slam champion Williams ke logpabo.

“Aji raati moi kenika jitise najane, court te ki hoise etu kobole najane,” Halep pora Kenin logote jitiya bicche te koise.

 Halep, 27, pora first set aram pora jitise aro third te 3-0 up te thakise hoiolebi tai olop galdi kora pora besi dukh korikena jitise.

“Sob ball karne bolaibole besi dukh thakise,” tai koise.

“Moi second set te olop jokhom paise hoilebi jitibo mon jowa pora khelise.”

Halep pora kontoh jakka te jokhom etu laga details eko diya nai.

Etu Romanian pora Kenin, Russian-born American 20 saal, ke tribute dise.

“Etu toh ekdum dan khel thakise, tai ekdum bhal khelari ase,” tai koise.

Kenin laga galdi toh first set te besi hoi jaise aro Halep pora 33 minutes te wapas loise aro jitise. 

Second set laga shuruwt finey Halep jiti thakise,  tate Kenin khali two points aro Romanian pora 3-0 lead pora loi thakise. 

Hoilebi  American pora larai korikena fifth  te aage jaise aro etu set toh tie-break hoise.

Third set laga opening game toh besi bhal thakise aro saath baar deuce hoise.