Singapore Open 2019: Kidambi Srikanth, Sameer Verma toh competition para bahar hoishe

Kallang: 

Friday din te Singapore Badminton Open, mota khan laga quarter finals para Indian shuttlers Kidambi Srikanth aro Sameer Verma toh bahar hoishe.

Duniya laga saath number te thaka Srikanth para duniya laga ek (1) number te thaka Japan laga Kento Momota khilaf te ekdam bhal para khelishe. Hoile bhi tai laga khel toh 18-21, 21-19, 9-21 banai kena bahar hoi jaishe.

Dusera match te Sameer toh Taiwan laga Chou Tien-Chen khilaf te ekdam bhal para khelishe. Hoile bhi 10-21,21-15,15-21 banai kena hari jaishe.

Aro etu khan chari kena mixed doubles te jhora (pair) Pranaav Jerry Chopra aro Sikki Reddy laga team toh Thailand laga Dechapol Puavaranukroh aro Sapsiree Taerattanachai khilaf te 14-21, 16-21 para harishe. Etu toh tai khan laga quarter-final stage thakishe.

Agay te PV Sindhu toh China laga Yanyan Cai khilaf te quarter finals te jeetishe. PV Sindhu toh Saturday laga Semi finals te Japan laga Nozomi Okuhara khilaf te semi-final te khelibole