Lucknow: Saturday din Union Minister aro BJP leader Smriti Irani logode kelaaf korikena case file korishe. Tai logode case file kora toh, tai laga election affidavit deh galdi khobor dese koikena file kora laga ase.
Case toh hoile city’s Congress Minority Cell laga chairman Tauheed Siddiwui para file kora laga ase.
Siddiqui para complaint deh kowah toh, “Smriti Irani para 2014 Lok Sabha Election nemide Election Commission logode nomination affidavit dese. Tai para Commerce deh Bachelor degree toh 1994 sal University of Delhi para kothom hoise koise. Hoilebe etiya 2019 Lok Sabha election nemide affidavit deh tai para degree toh kothom howah nai koise”.
Union Minister para Election Commission logode mesha kowah ke bothnaam kori kena Siddiqui para kowah toh, tai para EC logode mesha korishe aro tai para mesha kowah be affidavit deh dese. Tai para enaga kora toh pura-puri galdi ase aro etu toh kotha namana laga ase”.
Tai para demand kora toh, “Ami para Smriti Zubin Irani logode kelaaf korikena FIR kori ase aro ami para be tai logode kelaaf korikena investigate koribo karni aro thek wala action toh debo karni request janai ase”.
Tgursday din Union Ministr Irani toh Lok Sabha election nemide Amethi parliamentary constituency para nomination file kora thakise.
Amethi deh tin-par Member of Parliament thaga Rahul Gandhi toh Wednesday din Amethi para nomination papers file kora thakise.
2014 general elections time deh Rahul Gandhi para Smriti Irani logode haraideya thakise.
Add Comment