London: Son Heung-min koishe ke tai toh Tottenham te Harry Kane ke bodoli kuribole sabit kuri dishe. Aro tai toh etu Champions League te Manchester City khilaf te goal mari de kena dekhaishe.
Mauricio Pochettino laga side toh Etihad Stadium te Champions League laga quarter-final laga dusra match te Manchester City khilaf te jeetibole pura kosis kuribo.
Hoile bhi Tottenham te Kane aro Dele Alli jokom huwa nimite etu kaam toh aro bhi bishi dikdar hubole ase. Kane toh tai laga theng te aro bhi jokom hoishe. Etu nimite Kane toh bachi kena thaka season laga matches khan te nakhelibole pare. Aro Dele Alli bhi etu eki match te tai laga haath toh biya kuri kena thakibole pare.
Hoile bhi South Korea forward Son para etu season te Kane nathaki kena agay jabole paribo dekhai dishe.
Kane nathake kena Son toh dosta (10) matches te nouta (9) goals marishe.
Add Comment