SEOUL: Wednesday din te police koishe ke South Korean mota para tai laga ghor te jui lagai dishe. Aro jui para bachibole karni tai laga samnay manu khan toh polabole kosis kura nemide tai para chaku (knife) mari dishe. Etu nimite panchta (5) manu murishe aro bishi manu khan jokom hoishe.
Police koishe ke etu mota para Wednesday fusur te Jinju laga southern city te jui lagai dishe. Aro etu mota toh building laga dusra (second) floor te rukhi kena polai kena nichete aha manu khan ke chaku mari dishe.
Chaku mari kena murija khan majote sob para chutu toh baro (12) saal chukuri thakishe.
Samnay (neighbor) koishe ke ekta naam nadiya manu para Yonhap news agency ke koishe ke suruwat jui laga alarm huni kena building chari kena polabole kosis kurishe. Hoile bhi hall te bishi khun (blood) dekhi kena tai laga apartment te wapas jai jaishe.
Samnay manu koishe ke moi hunishe ke etu manu toh duita haath te bhi chaku dhuri kena thkishe.
Add Comment