New Delhi, November 30: Sri Lanka laga east te Hawa-panni (Tropical Cyclone) develop hoikene ase aru eitu sapta bithor te India te ahibole ase.
Eitu tropical cyclone toh Wednesday raati (local time) te India te pungchikene thakibo koikene report ase.
Wednesday raati, Tamil Nadu laga coastal areas te baris hoikene thakibo hoillebhi Thursday aru Thursday raati tok dangor baris aru hawa maribole shuru hoikene thakibo.
Thursday te eitu cyclone toh Tamil Nadu laga Nagapattinam aru Chennai majote ahikene thakibo. Puducherry, Cuddalore, Chidambaram aru Nagapattinam te bi hawa marikene thakibole expect korikene ase.
Southern India laga bisi jaga te ekdum dangor baris aru flooding hobole pare koikene report ase. Nagapattinam aru Chennai majote 75-150 mm (3-6 inches) baris hobole pare aru eitu nimite flooding hoikene thakibole pare. Nellore aru Ongole coast te bi flooding hobole chances ase. Tiruchirappalli, Salem, Coimbatore aru Madurai nisena jaga te bi eitu cyclone pora affect koribo nisena ase.
Aha sapta te southern India te sukha hoikene thakibo kile mane eitu cyclone kamzoor hoikene west side te jaikene thakibo. Hoillebhi next sapta laga first half te second tropical threat develop hoikene thakibo. Eitu second cyclone pora Bangladesh aru Myanmar hoikene eastern India te affect koribole pare.
Add Comment