KHARTOUM (Reuters):Thursday te state news agency SUNA koishe Sudanese police khan illegal protestors khan ke khedabole tear gas use kurishe. Etu illegal protestors khan President Omar al-Bashir laga 30-year rule oppose kuribo nimite thakishe. Protest toh Omdurman city te protest kurishe. Etu protest te teenta manu murishe.

Wednesday te Omdurman Sudan laga dusra sob para dangor city toh riots aro illegally juwa kora dekhibole parishe.

SUNA police kuwa kotha quote kuri kena koishe tai khan toh teenta manu mura aro bishi manu jokom huwa laga khobor huwa toh jane aro etu hamla khan toh police khan investigate kuri ase koishe. Etiya tok toh eku details khan available nai koishe.

Police para demonstrators khan ke rasta side te khedai dishe. Demonstrators khan toh etu kheda jaga te protests resume kuribole regroupe kuribole kosis kuri thakishe. Ekso opor manu khan main rasta bhi block kurishe.

Wednesday te Bashir hazar supporters khan laga rally te tai saki dishe ki tai power te he thakibo. Etu rally toh capital Khartoum te hoishe.

Bashir laga speech para bhi protestors khan ke quell kuribole paranai. Wednesday te security forces khan Omdurman te protestors khan logote larai kuri thakishe. Omdurman toh Nile laga dusra side te ase.