India laga Supreme Court pora Nagaland laga government ke etiya thakiya director general of police (DGP), Nagaland, TJ Longkumer ke juniya laga mamla pora notice of contempt dise.
Khobor laga hisab te, ‘Concerned People Of Nagaland ’ laga naam pora konoba manu khan pora Supreme Court te petition lekhi kena bodnam korise ki Nagaland government pora , Longkumer laga aagete thakiya Nagaland laga DGP, Rupin Sharma ke 2018 te kerkanun pora hatai dise.
Local media khan ke diya February 28, 2019 direk laga court document te Thursday te koise ki Supreme Court pora Nagaland government ke etu notice ke choi habta laga bithor te jawab koribole aadesh dise.
Etu dekhise ki Nagaland government pora supreme laga aadesh ke maniya nai. Supreme court pora state government ke state DGP junibo nimite senior IPS officers laga ekta panel dayar koribi koise.
Jowa saal August laga mohoina te, ketiya etu manu khan pora Nagaland government ke ,legal notice dise , Nagaland laga deputy chief minister, Y Patton, kono pora bi home portfolio thuriye, pora koise ki petitioner logote khara koribole kotha nai kile koile state government pora Longkumer ke DGP karne junibo nimite kanun laga nijete pora thik kadam loise.
Senior IPS officer Taliakhum John Longkumer pora Nagaland laga notun DGP karne June 27, 2018 pora shuru thakise.
Longkumer toh 1991 batch laga IPS officer ase aro tai laga aage laga Rupin Sharma toh 1992 batch laga IPS officer korise.
Add Comment