National

Teenta Manu Sachin Pilot Ke Support Dikhaishe

NEW DELHI:Rajasthan te teenta(three) manu pani laga tank te uthishe. Tai khan pani laga tank te utha toh Congress leader Sachin Pilot ke support dikhabole kurishe. Etu teenta manu toh Sachin Pilot ke state laga Chief Minister banabole demand kurishe.

Teenta manu para slogan halla kurishe “Sachin Pilot Zindabad!”

Rajasthan laga manu khan para state cholabole Congress ke choose kurishe. Hoile bhi chief minister laga seat toh kon lubo. Etu decide kuribole olop dikdar paishe. Duibar chief minister huwa Ashok Gehlot aro Sachin Pilot youth khan majote popular ase. Chief Minister job nimite tai duijon Rajasthan te top contenders ase. Jau kali laga fusur te Sachin Pilot ke support kora protestors khan Alwar highway block kurishe. Etu protestors group toh Gujjar community para ase. Tuesday din para Rajasthan laga kunba kunba jaga te protest hoishe. Etu protest toh Rajasthan te Congress jeeta din para suru hoishe.

Agi Congress para formal announcement dishe. Announcement te Ashok Gehlot toh Rajasthan laga notun Chief Minister ase aro Sachin Pilot toh Chief minister laga deputy.

Congress para tweet kurishe “Ashok Gehlot toh Congress party te loyal ase. Tai ke Rajasthan laga CM banaishe. Ami khan notun Chief Minister ke bhal wish kuri ase. Chief Minister Rajasthan laga state toh vigour, sincerity aro ami khan laga democratic values logote commited thaki kena loi jabo le bhal wish kuri ase.