Sports

Thailand’s EGAT Cup: Ace Manipuri Weightlifter Mirabai Chanu Gold Medal Jeetishe

Agencies:

Thursday te Thailand laga Chiang Mai city te hoi thaka EGAT Cup te Ace Manipuri weightlifter Siakhom Mirabai Chanu toh gold medal jeetishe.  

The Assam Tribune khobor kurishe ke Siakhom Mirabai Chanutoh 49kg category laga gold medal jeetishe. Etu toh tai silver level Olympic qualifying event te 192 kg effort te jeetishe. Etu points nimite Tokyo 2020 final rankings te modot hubole ase.

Thursday te Chanu toh niche komor laga jokom para bhal para recover kurishe. Etu jokom nimite Chanu toh 2018 laga adha moina tok matches compete kuribole napari kena thakishe. Chanu koishe moi jokom para bhal huwa pichete etu moi laga first international event ase. Moi toh etia 100 percent bhal lagi ase aro etu toh moi laga jokom pichete poila game ase.

Chanu koishe etu toh moi laga personal best 196 kg para char kg kom ase. Moi th nijor laga performance para satisfied aro khushi ase. Moi 2017 te 194kg para championships jeetishe.

24 years Chanu toh snatch te 82kg lift kurishe aro clean aro jerk te 110kg kurishe.Etu nimite Chanu toh podium laga top te khara kurishe. Etu toh Chanu extensive physiotherapy kura pichete kurishe. Jokom nimite chanu toh nou moina nimite eku action kuribole para nai.

Japan laga Miyake Hiromi (183kg) toh silver paishe aro bronze toh Papua New Guinea laga Loa Dika Toua (179kg) paishe.

Chanu toh jua saal World Championships miss kurishe. Etu toh gold level Olympic qualifier thakishe. Jokom huwa nimite Jakarta Asian Games paa bhi Chanu toh bahar hoishe.