Agencies:Tottenham Hotspur striker Harry Kane toh March tok sideline hoi kena thakibo. Harry Kane toh Sunday te Manchester United against te khela samay te ankle ligament damage hoishe. Sunday te Tottenham Hotspur Manchester United logote 0-1 para harishe. Etu match toh Wembley te hoishe. Etu toh England Captain laga third successive season hubo ankle jokom huwa nimite games miss kora.
Tuesday te Tottenham Hotspur laga website te koishe ami khan Harry Kane laga left ankle te ligament damage hoishe. Etu toh Sunday laga match Manchester United logote khela samay te hoishe. Striker toh ami khan laga medical staff para monitor kuri thakibo aro Harry toh March laga agay samay para he training te ahibole expect kuri ase.
Kane toh United laga defenders Phil Jones aro Victor Lindelof logote laga nimite jokom hoishe. Harry Kane etu jokom toh Tottenham nimite last-minute chance banabole kosis kora samay te jokom hoishe.
Harry kane toh treatment toh full-time whistle mara pichete paishe. Harry pitch te ekdam aram nathaki kena beraishe.
Add Comment