Saturday din one thousand para be besi Indigenous Peoples Front of Tripura (IPFT) youth workers toh opposition Congress logode join hoise.
Tripura Pradesh Congress Committee (TPCC) president Pradyot Kishore Deb Burman para kowah toh, “Khowai district para 300 youth IPFT supporters toh Congress logode join hoise aro tusara group 700 toh Kamalpur in Dhalai district deh join hoise”.
Press conference deh Tripura Pradesh Congress Committee (TPCC) president para kowah toh, “regional party laga leaders khan para supporters logode dokhaise aro state laga indigenous manu khan logode development debole wada kora toh debole fail hoise”.
Deb Burman para kowah toh, “IPFT supporters toh ami khan logode ahhai ase. Kelay koile tai khan jani paise IPFT supremo N C Debbarma para campaign tak nakori kena Congress laga vote toh katibo nemide aro BJP logode motob debole nemide nomination deya”.
2018 deh IPFT-BJP alliance para Tripura deh government bona thakise. Etu para 25 sal rule kori thaga Left Front toh kothom korishe.
Etu moina agae hapta phali IPFT vice-president Ananta Debbarma aro etu laga Youth wing general secretary Shuklacharan Noatia toh Congress logode join howah thakise. Tai khan IPFT leaders logode high-handedness nemide aro party deh internal democracy absent howah nemide bothnaam kora thakise.
Saturday din New Delhi deh Tripura laga Congress leaders khan toh Election Commission laga office deh log koribole ponja thakise. Tai khan tati jaa toh April 11 direk deh poll lowah toh thek nahowah nemide aro re-polling lobole karni kotha koribole jaa ase.
Congress para kowah toh, West Tripura Lok Sabha constituency deh 1,679 polling booths thaga deh 151 toh thek thaga nai.
Add Comment