Agencies:
Coach Bisheswar Nandi koishe Ace Tripura gymnast Dipa Karmakar toh aha moina Doha World Cup pichete Produnova vault challenge laga training wapas suru kuribole ase.
Dipa toh Olympics te compete kora laga sob para poila maiki Indian gymnast ase. Dipa toh 2016 Rio Olympics te Produnova vault laga extraordinary display dekhai kena spotlight te ahishe.
The Assam Tribune khobor kurishe ke Hoile bhi Dipa toh ‘vault of death’ routine toh 2017 te knee te jokom khuwa nimite charibole lagishe. Dipa toh Tripura para ase.
Star gymnast Dipa toh gymnastics laga sob para dikdar vault laga training toh Baku World Cup aro Doha World Cup te participate kura pichete wapas suru kuribole ase.
Nandi koishe ke Podunova nimite teen nohoile bhi char moina rigorous practice session lagay. Gymnast Dipa toh Doha World Cup pichete Produnova training dubara suru kuribole ase.
Tai koishe bishi jokom huwa nimite Dipa toh Produnova aro vault of death practice kuribole samay pa nai. Etu gymnastics khan toh bishi hard aro bishi risky ase.
Dipa toh jua saal April te surgery loishe. Aro etu nimite Dipa toh Asian Championship, Canada laga World Championship aro 2018 Australia te huwa Commonwealth games miss kurishe.
Dipa toh jua saal Turkey te World Challenge Cuop te gold jeeti kena action te wapas ahishe. Hoile bhi knee strain nimite Jakarta Asian Games aro miss kurishe. Aro etu pichete tai team event para bhi olai jaishe. Produnova toh artistic gymnastics vault ase.
Add Comment