AGARTALA, February 16: Tripura Chief Minister Biplab Kumar Deb proa Friday te khobor korise ki Thursday te Jammu and Kashmir laga hamla te 50 nisina CRPF sepahi moriya khan laga ghor manu khan ke Rs 2-lakh compensation dibo koise.
“Tripura laga manu khan aro state government toh etu moriya 45 CRPF sepahi laga ghor manu khan laga bicche te khara koribo,” Chief Minister pora compensation laga khobo diya bicche te khobor manu khan ke koise.
Etu samoy te, ruling Bharatiya Janata Party (BJP) aro opposition Congress laga manu khan pora aalag-aalag jakka te Pakistan Prime Minister Imran Khan laga pudla aro Pakistan flags jolaise aro moriya CRPF sepahi khan ke yaat korikena candlelight rallies thakise.
Agartala Book Fair laga inaugural ceremony milai kena konoba government aro non-government jamma koriya te silence(konoba samoy karne chup thakiya) manaise.
1989 te adangwati besi pheliya bicche te Jammu and Kashmir te sobse biya adangwati hamla howa te, ekjun suicide bomber pora Thursday te tai laga SUV te bomb besi hali kena Pulwama district laga Srinagar-Jammu highway te CRPF bus logote lagise, etu pora 49 jun nisina sepahi morise aro aalag sepahi khan ke asurit khelaise.
Add Comment