Tseminyu te Ngada King-Post Pulling Ceremony manaise

PHEK, NOVEMBER 26 : Traditional Morung King-Post pulling Ceremony toh Tseminyu Town te manaise. Etubi 26^th November 2018 te. Aro etu toh Ngada Mini Hornbill Festival te bi melekena manabo laga ekta bhal chis (Important part) ase koise. Etubi 27^th-28^th November 2018 te manabole lag ate. Etu Pulling Ceremony te Advisor for Vet & AH aro Women Resources Development Department R. Khing bi ahe kena hisha kuri thakise koise.Etu King-Post pulling toh Tsokinsin Junction, Tseminyu Notun Town pora suru kurikena Ngada Mini Hornbill manabole laga asul (Main) Morung, RSA Ground Tseminyu purana Town te khotum kuridese koise.  Etu din te Thanksgiving Prathana toh R. Yhunsenlo Kent pora kuridese aro etu King-Post pulling nemite suru kuridebole karne kotha toh Jwenga Kent, Chairman Tseminyu Union laga pora janaidese koise. Etu din te 300 moda kan Rengma Tribe laga kan Traditional kabara (Attire) lakai kena ahese aro etu din laga Pulling Ceremonial te hisha kurikena thakise koise.