TUENSANG, NOVEMBER 2 : Administrator, Tuensang Town Council (TTC) and SDO (Civil) Tuensang, Pakon Phom pora St. John ‘A’ Sector, Tuensang Town 2ndNovember 2018 te ekta nutun Fish Kiosks khulishe ,Administrator pora department of fisheries aro Aquatic Resources khan ke dhandyaabad kurishe Tuensang Town te Kiosks bona nimete .Tai pora manu etu Kiosk ke chulaikena local mass khan bikhri kuribi koishe Kiosks hygienic bonabole karne . District Fishery Officer, Tuensang Rongsenkumzuk bi etu occasion te kotha kurikena koishe NABARD (RIDF – XX) 2017-18 te fund diya pora bona ase .Tai pora public kiosk ke sapha rakhibi aro maas hi bikhri kuribi koikena janaishe .DFO koishe etu 3rd Fish kiosk ase department khan pora bona toh public khan nimete .Tai pora mati malik ke dhandyaabad koishe mati diya nimete etu Kiosk bonabole nimete.Etu programme te HA, DFO Office Tuensang, Hanso Loyim Chang pora loishe . Chang Baptist church Tuensang, Loenba Deacon pora dedication prayer kurishe.
Tuensang Te Fish Kiosks
Add Comment