Ulfa laga pro-talk faction pora dhamki dise ki centre logote‘peace talks’ pora olai jabo juti Citizenship Amendment Bill toh Parliament te passed korile. Etu Bill toh Lok Sabha te January 8 te passed korise aro Rajya Sabha te passed koribo karne rukhi ase.
Ulfa leader Mrinal Hazarika pora Saturday te koise ki juti Centre pora etu Bill logote tea age jaise koile etiya laga peace talks toh biya hoi jabo. “Etu Bill laga khilaf besi manu Assam te mon biya paise. Etu nisina situation te peace talk koribole toh diktari hoi jabo juti centre etu Bill logote aage jaise koile,” tai etu koise.
Ulfa laga pro-talk faction aro Centre laga machor te dialogue toh 2011 te shuru hoise.
Hazarika pora koise ki etu bill, kintu states laga identity biya koribo, etu pora talks laga eku fal nahobo.
Pro-talk Ulfa leaders pora warning dise ki jawan manu khan toh “joborjost haadiyar othabo laagibo” kile koile etu bill pora Bangladesh, Pakistan, aro Afghanistan laga religious minority migrants khan ke rights toh diye.
Meghalaya government pora Assembly te etu bill logote khilaf resolution passed korise, aro Manipur pora Centre ke proposed legislation toh rakhibo karne koise.
Add Comment