RIMBO:
United Nations(UN) announce korishe Yemen shanti-kotha(Peace Talk) agi para shuru hoishe. Etu kotha toh Yemeni government representatives aro rebel delegation majote ase. Etu meeting toh Sweden te hoi ase.
Tweeter te UN envoy Martin Griffiths office para koishe Intra-Yemeni political process Sweden te 6 December 2018 te restart kori ase.
Yemeni Foreign Minister Khaled al-Yamani aro 12-member government delegation Stockholm Wednesday saam(evening) te pungchishe. Tai khan Sanaa jaga laga rebel delegation aha laga ek din picho te punchishe. Rebel delegation Khan UN envoy logote ahishe.
2016 pichote etu Yemen laga Saudi-backed government aro Huthi rebels majote first meeting ase. since. Yemen larai te 14 million opor manu khan bishi dukh paishe.
Etu Sweden meeting toh duita warring parties majote dangor confidence-boosting sign dibo.
World Health Organization hesab te Huthis aro Saudi Arabia larai te 10,000 genika manu murishe. Etu larai ke UN para duniya laga sobse biya humanitarian crisis ase koishe. Rights groups estimate kura hesab te etu toll toh five times opor hubo pare koishe.
Add Comment