Headlines

Uzbekistan deh Minister Sushma Swaraj jaise

Saturday din External Affairs Minister Sushma Swaraj toh Uzbekistan jaga deh tui­din karni jaise. Tai tati jaa toh first India-Central Asia Dialogue deh hesha thakibo karni jaishe. Etu time deh tai regional issues komti howah aro war-ravaged Afghanistan logode mela-meli thakibo karni kotha kuribo nesana ase. Samarkand jaga deh dialogue thakibole laga deh Swaraj aro Uzbekistan’s Foreign Minister Abdulaziz Kamilov toh Co­-chaired thakibole ase.

Ministry of External Affairs (MEA) para Foreign Minister of Afghanistan be dialogue deh special invitee nemide thakibole ase koikena janaishe. Foreign ministers of Kyrgyz Republic, Tajikistan aro Turkmenistan aro First Deputy Foreign Minister of Kazakhstan be dialogue deh thakibole ase.

Wednesday din MEA para kowah toh, dialogue deh eki logode meli kena history aro cultural linkages share kora para, India aro Central Asian state toh agae sai thakibo, tai khan mela-meli howah toh dangor hobole. Etu para be India’s laga economy Central Asia laga business aro development deh  mela para rasta khelibole biswaas kori ase.

Afghanistan logode join howah, aro Dialogue  deh hesha thaga para be India, Afghanistan aro Central Asia majode business aro economic activities toh sosta hobole ase.

2015 sal Prime Minister  Narendra Modi toh five Central Asian countries jaga deh jaise. Tai jaa toh hydrocarbon-rich region logode India toh phal para mela meli thakibole laga aim para jaa ase. Last August Swaraj toh region deh jaikena ase.

Officials para kowah toh, India-Central Asia Dialogue logode Afghanistan hesha thaga para India toh region laga sob desh logode melibole biswaas kori ase.