KOHIMA, NOVEMBER 28 : 27TH November 2018 te Thizama jaka laga Village Guard (VG) Rest House te ki-ki sabole karne (inspect) Advisor for IPR, SCERT & VG, Toshi Wungtung logot EE CAWD Sungti Amer bi melekena eke pora jaise. Etu time te kotha janaide kena Advisor pora VG Officials kan ke bhal kotha janaise. Etubi VG Contigents aro Brass Band kan 1st December 2018 te Statehood thakibole laga ke hisha kuribole karne eman bhal te manikena thaka nemite. Tai bi etu Rest House toh Contractor kan pora thik time te banai khotum kurile bhal koi kena kotha janaise. Aro Advisor porabi etu Contractor kobi KG Angami aro tai laga bacha kan pora etu Rest House toh bhal te banaidebole karne ahkete aha karne bhal kotha janaise. Aro etu nesena adat aro bhal kam toh ami kan Naga manu sob pora bi ahebole time te eneka kam julabole lagi koi kena janaise. Kele etu nesena bhal kam porahi ami kan state toh ahkete luijaidiya ekta hobo koi kena. Aro etu kan sob oporte VG Brass Bands kan pora tai kan laga jaka kan kinika bhal te rakhibole kuri ase etu kan kebi saide kena thakise koise.
April 23, 2024
World's First and Only Nagamese Newspaper
Add Comment