Sports

Vidarbha Pora Rest Of India Ke Haraikena Irani Cup Thurise

Ranji champions Vidarbha pora domestic arena te tai khan dagot howa dekhaise, etu te ekta star-studded Rest of India ke harai kena Irani Cup thurise, etu pora back-to-back seasons te tweibar jitise. Vidarbha toh etiya Mumbai aro Karnataka bicche te twibar narukhikena Irani Cup titles thuribole teenta wala team hoise. Aro ekta mon chuwa laga isharat te, Vidarbha captain Faiz Fazal pora khobor korise ki pura prize poisa toh Jammu and Kashmir laga  Pulwama te February 14 te adangwati pora hamla koriya te moriya CRPF sepahi laga ghor manu khan ke dibo.

“Moi khan laga team pora fesla korise ki prize poisa toh Pulwama te jaan jowa  laga ghor manu khan ke dibo. Etu toh moi khan laga team aro VCA laga chottu isharat ase,” Fazal  pora koise.       

Ekdum diktari 280 laga target te, Vidarbha toh 269 te panchta ball thakise, jitibo karne khali 11 runs laagikena. Hoilebi, etu tweita teams pora haat milai kena draw hobole laga fesla loise.

Etu jeet toh Vidarbha laga teamwork laga saki thakise, tate tai khan pora tai khan laga season laga top scorer Wasim Jaffer aro pacer Umesh Yadav nathakikena Rest of India te Ajinkya Rahane, Hanuma Vihari, Shreyas Iyer aro Mayank Agarwal thakikena haraise.