Agencies: Australia aro India majote panchta ODI series match te Virat Kohli aro tai laga team toh India ke jeetai dibole para nai. Etu toh India khan laga World Cup 2019 agote laga sob para akhri 50-over mukabula (challenge) thakishe. ICC World Cup 2019 toh UK te May 30 para suru kuribole ase. March 23 para Indian players khan wapas Indian Premier League (IPL) 2019 te khelibole suru kuribole ase. India skipper Virat Kohli hesab te World Cup te khelibole thaka cricketers khan laga workload management toh IPL te nazaar rakhibole ase. Hoile bhi, Virat Kholi koishe zimadari aro onus toh players khan opor te ase.
Bishi cricket boards khan players khan laga IPL franchisees nimite jabo dibole ekdam bhabana kuri ase. Cricket boards khan toh tai laga league commitments khan para bhi desh laga duty toh he agay kuri ase.
Kohli koishe moi Indian players khan ke tai khan laga IPL teams khan logote mon nadibi kuwa nohoi. Hoile bhi tournament chuli thaka samay te smart aro hosiyar thakibole lage koishe.
Kholi koishe sob workload khan opor te nazaar rakhibole ase. Aro players khan toh aram kuribole paribole olop samay dibo koishe. World Cup toh char saal te ek bar he ahe. Hoile bhi ami khan IPL te toh hodai saal kheli ase. Wednesday din te India toh tai khan laga fifth ODI harishe. India toh Australia khilaf te 2-3 para harishe.
Add Comment