Sanjay Leela Bhansali para reveal kurisey Kareena, Rekha aro Rani Mukerji Heeramandi laga first choice thakisey 

New Delhi, May 1 : Sanjay Leela Bhansali laga web series, “Heeramandi : The Diamond Bazaar” tu Wednesday(May 1) te premiere hoisey. Etu series release hobole ageyte, Sanjay Leela Bhansali para Los Angeles te ekta special premiere host kurisey. Etu premiere chuli thaka homoitey, Sanjay Leela Bhansalii para etu film laga kotha kurisey. Tai para koisey ki etu film tu asol tu Rekha, Kareena Kapoor aro Rani Mukerji thakiya laga film banabole plan kurisiley. Sanjay Leeela Bhansali para casting(film te actor khan dhala) laga choice bodli hoi thaka te gour kurisey. Tai para Pakistani actor Mahira Khan, Fawad Khan aro Imran Abbas ke bi etu series te dhalibole bhabna kurisiley. Sanjay Leela Bhansali para koisey, “Etu tu 18 years ageyte thakisey etu nimitye ekta homoitey Rekha Ji, Kareena aro Rani Mukerji ke dhalibole bhabna kuri thakisey. Etu picheyte dusra cast(actor khan) ke dhalibole aro etu picheyte aro dusra cast te bodli hoithakisey.” Tai para koisey, “Utu homoitey etu ekta film thakisey. Ami para utu homoitey Pakistani actress Mahira Khan ke dhalibole laga bhabna bi kurisiey aro actor Imran Abbas aro Fawad Khan bi ekta homoitey amilaga dimag te thakisey. Hoilebi ami last te etu cast(actor) khan ke chunisey.” Sanjay Leela Bhansali para final cast logotey satisfied huwa tu jataikina koisey, “Ami tu etu cast logotey bisi khusi asey.”Final cast te Manisha Koirala, Sonakshi Sinha, Richa Chadha, Aditi Rao Hydari, Sanjeeda Shaikh, Sharmin Segal, Taha Shah, Fardeen Khan aro Shekhar Suman asey.