May 2, 2024: Thursday din deh Congress leader Rahul Gandhi para case kuteh Prajwal Revenna ase, etu case tho khali ekta ‘sex scandal nahoi, mass rape ase’ kui shae. Prajwal Revanna tho Parliament laka member ase Karnataka laka Hassan para. Tai para Bharatiya Janata Party aro Prime Minister Narendra Modi keh b criticize kuri shae, Janata Dal (Secular) [JD(S)] lokot deh alliance banai nah, mass rapist karne votes manga karne. “Prime Minister Narendra Modi, ekta mass rapist karne vote mangi ase. Prajwal Revanna para ekso laka upor maike keh rape kuri shae aro taikan laka videos banai shae,” Gandhi para Karnataka laka Shivmogga deh kui shae, ekta poll rally deh. “Aro Narendra Modi, ekta packed stage deh, utu rapist keh support kureh aro etu kui shae:’ apni etu rapist keh vote kuri shae koile tho, mui keh motot kuri bo.’” Tai para Prime Minister keh b accuse kuri shae Revanna, former prime minister HD Deve Gowda laka grandson keh India para bola bole motot kura karne. “Prajwal Revanna para ekso nishi nah maike keh rape kuri nah b, PM Modi para taike rukha nai Germany deh jab oleh. PM Modi lokot deh sob machinery ase, hoile b tai para rapist keh Germany jabo leh di shae. Etu tho ‘Modi laka Grantee” ase. Ekta corrupt leader nahoile ekta mass rapist taki leh b, BJP para taike protect kuri bo.”
‘Sex scandal nahoi, mass rape ase’: Rahul Gandhi para Prajwal laka charges deh kui shae
