MON, SEPTEMBER 22 : Late P Hamshen Shongyen, Mohung bosti laga Angh, Mon District laga toh tai maiki murijai kena khuntha hua bejete tai bi murijaise. Etubi 21st September 2018 te.
Tai maiki laga naam toh Yiang-am koi kena mati. Aro tai 2 jun shati huikena 70 sal huise. Etu bejete tai 2 jun eke pora eman lamba pora zinda te thaka bejete mura bi 1 din te hi murijaise koise.
Khobor hisabte moda toh 1926 sal laga ase aro maiki toh 1929 sal laga ase koise. Etu hisabte moda toh 92 sal toh huise aro maiki toh 89 sal toh huise koise. Aro tai 2 jun mura toh besi pura-puri huijaa bemar porahi mura laga ase koise. Aro tai 2 jun mura bejete edia toh tai 2 jun laga moda bacha 5 ta zinda te ase, 24 Grandchildren aro 10 great-grandchildren kan ase koise.
Tai 2 jun mura nemite khor manu aro khor osor-osor laga manu kan aro jana-jeni kan pora mondukh laga kotha janaide. Aro tai 2 jun laga aatma toh Isor laga haat te bhal te thakibole debi koi kena janaise koise.
Add Comment