11th May 2024 deh National Lok Adalat taki bo ase sob District HQs deh 

April 25, 2024: Deeper Public Engagement & Consultation (Collages deh Workshop & Programmes) Kohima College, Kohima aro Sazolie College, Kohima laka ekta culmination programe lui shae DC Conference Hall Kohima, 25^th April 2024 deh.

DC Kohima, Kumar Raminikant, IAS para taila speech deh environment keh pollute kura impact tho dangor ase kui shae, etu karne sob man kan mukan laka environment keh sabo keh part kubo lakeh kui shae. Tai para global warming lakai impact tho sob jaka deh sabo pareh kui shae, mukan nijor laka cities kan deh b. Aro etu karne ta para sob manu kan keh pollution laka causes aro impacts deh jinta taki b kui shae. Tai para students kan keh taikan laka aims achieve kuri b kui shae aro ekta sustainable aro clean environment bana bole habits kan b incorporate kuri b ku nah advise di shae. 

EAC, Dr.  Riku Khutso NCS para taila address deh National Clean Air Program laka scenario highlight kuri shae aro tai para Kohima tho air pollution laka 131 non attainment cities list deh ase kui shae India deh. Tai para Kohima College aro Sazolie College students laka activities kan highlight kuri shae. Tai para etu program tho District Administration para organize kuri shae kui shae Zub-Zub Indian lokot deh partnership kuri nah. Tai para program tho Air Pollution laka awareness spread kuri bo karne organize kura ase kui shae, manu kan pollution laka awareness pabo karne. Tai para jawan manu kan bishi influential hobo pareh kui shae aro etu karne youths kan keh  threats tho address kuri b kui nah encourage kuri shae aro constructive measures kan lubi kui shae.

Culmination program para reel videos karne prizes kan declare aro distribute kuri shae. Prizes kan tho Riidiionei-ii Kuotsii aro Kohima College laka team para Rs. 10,000/- laka 1^st prize jti shae. Rs. 7,000/- laka 2^nd prize aro Rs. 5,000/- laka 3^rd prize tho Imtinongtet Lemtur aro Sazolie College laka team para jiti shae. Alak pastha students kan keh consultation prize b di shae.

Piche deh, District Administration para bicycles aro wastes bins kan di shae colleges kan keh.

(Siizo Kikhi IA Kohima)