Ukraine, 17 January 2025: At least 12 Indian ke murai dishey echa jai thaka Russia-Ukraine war te, etu hwa time te 16 manu to toh hari kina ase, Ministry of External Affairs (MEA) khan pra janai dishey Friday din te. Mura manu Indian khan toh Russia laka side pra fight kuri thaki shey, ministry pra koishey.
Ministry of External Affairs (MEA) laka spokesperson Randhir Jaiswal pra koishey press conference time te, Aji tak, 126 cases hoishey (Indian nationals khan Russia te serve kura). Tadeh 126 cases pra, 96 manu toh India te wapas ahishey aro Russian Armed Forces pra discharged kuri dishey. 18 Indian Nationals Russian Army te echa b thaki ase aro tadehh pra 16 manu toh kute ase najaneh. Jaiswal aro koishey, Russian side pra taikhan toh hari ja category ase koishey… taikhan early release aro repatriation seek kuri ase kun bacha kina ase…. 12 Indian nationals kun muri jaishey Russia army te serve kura.
Ministry of External Affairs (MEA) laka response toh Indian national muri ja pichideh ahae kun ke Russian military khan pra recruit kuri shey, etu hwa time te alak toh jokom hoishey Russia laka ja thaka jakara time te Ukraine lokot.
Kerala manu Binil Babu ke murai dishey Ukraine laka jakara te aro Indian embassy kun Russian authorities lokot touch te ase tai laka mortal remains laka repatriation karne. Alak Indian national Jain TK toh treatment pai ase Moscow te aro expect kuri ase India te wapas hibo leh tai laka treatment toh khotom hoi kina.
Add Comment