Agartala, March 14, 2025: Yete 12 manu nishina jokhum hoishe koishe, Commander laga Jeep toh taikhan ke bukhi thakhi kina niche te girishe koishe, Tlanhsang Basti te. Etu toh Bhangmung Police Station laga Bitor te ase, North Tripura District laga Bitor te.
Local Manu khan para taikhan ke bachai kina Bhangmung Primary Health Centre te loi jaishe koishe. 9 manu toh first Aid di kina ulai jaishe koishe, hoilebi alaj 3da toh North Tripura District Hospital te loi jaishe koishe, taikhan laga halat toh serious hoa nimete.
Etu serious manu khan toh Nanraj Reang, Dasarath Debbarma aru Nadarung Reang ase koishe. Taikhan laga gari toh Belianchip Market para ahi thakhishe koishe, aru Driver bi control hari kina Tlangslangh Basti phane girishe koishe. District Hospital laga Medical Officer Dr Satabdi Das para koishe ki, ekta maiki toh theng aru face te jokhum hoishe aru alak duita toh olop stable te ase koishe.
Add Comment