December 6, 2025: 12 labour manu kun Philibit para ase,Tai khan Kyrgyzstan teh phasi kena ase koisha. Aro tateh laga manu khan tai khan ge bei para trest kurei ase koisha. Etu report district administration para Uttar Pradesh laga Home department ge disha koisha.
District magistrate Gyanendra Singh para koisha ki etu nreport toh Home Department para koila para banaisha. Aro police laga superintendent ge etu khobor laga jan karei kuribe koisha.
Singh para koisha ki etu 12 manu kun Kyrgyzstan teh phasi ne ase. Government ge koi disha koisha. tai khan ge vapas anibole le karne.
Tai khan laga name khan toh. Ravi Kumar, Ajay, Chandrapal, Santram, Rohit, Ramesh, Harswaroop, Shyamcharan, Sanjeev, Prempal, Ramasare aro Harishankar ase koisha. Tai khan laga ghor manu para koisha ki. Tin moina age teh ekta agency para. Tai khan ge Krgyzstan teh kam dibo koine loi jai sha koisha. Aro tai khan sob Rs. 2.5 lakhs disha koisha etu agency teh.
Khobor janei sha ki tai khan ge alak alak jaga teh kam kuribole disha. Aro khabole laga saman be thik para dei nahoi koisha. Aro tai khan ge vapas India teh jabole nadei hoisha koisha.
Add Comment