New Delhi, 19 February : Army laga Harmanjot Singh 12-member Indian team laga ekjon hobo, juntu 18th Asian Cross-Country Championships te compete koribo ase. Championship tou 21 February te Fukuoka, Japan te hobo. Indian team tou Wednesday din Japan jabole chari dibo kuina Bahadur Singh Sagoo, president of Athletics Federation of India (AFI) koi ase.
AFI pora national team tou select kora hoise athletes khan laga performance upor te, juntu last mahina 60th National Cross-Country Championships te hoise, Ranchi, Jharkhand te, AFI release hisab te.
Indian athletes khan senior men’s, women’s aru U20 category te compete koribo. Harmanjot Singh men’s 10km event te compete koribo. Aditya Gurjar, Abhinandan Suryavanshi aru Karan Ramesh Saranade men’s U20 category te India ke represent koribo. Men’s U20 event laga distance 8 km ase.
Women’s 10km team laga members ase Nandani Gupta, Ujala, Soniya aru Munni Devi. Women’s U20 group te Versha, Mani Yadav, Sonam Kumari aru Aarju compete koribo ase.
Add Comment