Israel, 19 October : 12-saal ummar laga Israeli girl kun laga Kahani toh famous huishey kitia Harry Potter author JK Rowling para tai laga post kurishey tai ke Hamas attack dey murai dishey, Israeli government para Wednesday dey janai dishey. Noya Dan aro 80-year-old puri ama ke Hamas operatives para itu mahina agey dey kidnap kurishey. Itu Israeli government para tai laga picture share kurishey kutey tai ekta costume lagaina thakishey Harry Potter series characters logot olob milina aro taike “sensitive, kind aro funny” asey kuishey. Taikhan para duniya laga motut mangishey itu autistic maiki ke churai diwoley Hamas laga kabza para, kuntu piche dey Ms Rowling para itu post reshare kurishey aro itu Palestinian group ke condemn kurishey.
Itia, Israeli government para aji janai dishey ki itu 12-saal umar maiki kun autism thakishey tai toh tai laga puri ama Carmela logot murai dishey. “Muikhan bishi muun tuk para janai di asey ki Noya aro tai laga puri ama Carmela laga bodies toh kali paishey. Sob manu ke bishi dhanuobad asey kun taike ghor dey aniboley motut kurishey . Muikhan laga muun phangina asey,” taikhan X dey likhishey (agey dey Twitter).
Noya, kun Harry Potter laga fan thakishey, tai toh ekta bright jawaan maiki thakishey kun autism spectrum thakishey, awaaz , light aro touch ke sensitive, The Hill para report kurishey. Tai aro tai laga puri ama ke October 7 dey kidnap kurishey three alag khantan logot ekta Jewish settlement para. Itu 12-saal umar maiki toh tai laga puri ama ke visit kuri thakishey, kun toh Kibbutz Nir Oz dey dhaki thakishey Israel laga border osor dey Gaza logot.
Add Comment