Agartala, October 3, 2024: Chief Minister Manik Saha para koishe ki. Tripura te 12,000 laga upor patients khan treatment paishe. Pm Jan Arogya Yojana (PM-JAY) aru CM Jan Arogya Yojana (CM-JAY) laga bitor te. Country laga alak alak hospital te modot kurishe 6 saal nishina.Tai para koishe ki etu payments toh Rs 189 Crore nishina total kuribole parishe. Alak alak hospitals te treatment pai ase Tripura laga manu khan. Aru taikhan etu duita scheme laga bitor te bi ahi jaishe .Saha para koishe ki. PM-JAY laga bitor te Rs 195.89 Crore nishina jaishe. Aru 3,43,985 nishina Tripura manu khan treatment paishe. Etu scheme laga bitor te total number 15,35,364 manu nishina punchishe taikhan laga State te. Etu saal laga February te. Government para CM-JAY launched kurishe, PM-JAY laga ineligible khan cover kuribole nimite. Etu State Scheme bi same benefits offer kurea, yete cashless treatment dishe 12,000 patients nishina khan ke. Tate Rs 2.20 Crore nishina jaishe etea tak. Saha parabi etu Ayushman Bharat Health Account (ABHA) laga bhal koishe. Etu para country laga khushi jaga para chuabole pare healthcare karne. Etu toh manu khan duk khan pura namai dishe aru bhal para medical care bi pai jai.
March 14, 2026
World's First and Only Nagamese Newspaper
Add Comment