IndiGo para domestic aro international flights laga dam othai de bole ase March 14 te para. New Delhi, March 14, 2026: IndiGo para fuel charge othai de bole ase, Rs 425 aro Rs 2,300 neshe na, domestic aro International filght tickets te, March 14 para shuru kure bole ase. Etu tai khan kile kurea ase koile toh, jet fuel laga dam uthe ja karne ase West Asia laga jamala karne. 

Tin ahge te be Air India Group para be enia laga charges announce kure she. Domestic flights karne toh, fuel charge toh Rs 425 hobole ase, aro Middle Eas laga service karne toh Rs 900 hobole ase, airline para enia statement te koi she Friday te. 

Aro South East Asia, China aro Afica khan laga flights karne toh fuel chage toh Rs 1,800 hobole ase. Aro Europe laga flights khan karne toh Rs 2,300 hobole ase koi she. 

Airline laga operational dam betor te, Aviation Turbin Fuel (ATF) toh 40% ase. IndiGo laga fuel charge toh Air India ke be beshe hobole ase, domestic flights khan karne toh Rs 399 ase. Akasa Air aro SpiceJet para etia tuk enia fuel charge laga announcement de nai.