12th Fail tu Delhi Film Policy Subsidy pa first film asey

New Delhi, July 12 : Vikrant Massey laga 12^th Fail, kuntu te IPS officer Manoj Kumar Sharma laga asol jibon laga kahani asey etu tu Mukherjee Nagar te set aro shoot kurisey. Etu tu Delhi Film Policy, 2022 laga under te first film asey kuntu subsidy paisey.  Delhi Tourism para ekta khobor diya manu para koisey, “Amikhan etu ke final kora laga process te asey. Etu film tu sob kuch hosa hosi dikha nimitey tarif paisey. Aro etu ke khali Mukherjee Nagar ekla nohoikina, Dilli Haat, INA aro Delhi laga alag alag jag ate shoot kurisiley. Delhi Tourism, kuntu film shoot kuribole permission diya laga nodal agency asey. Taikhan para 2022 te taikhan laga film policy aro singlewindow clearance introduce kurisiley. Etu film policy laga ekta dangor point tu subsidy asey, kuntu te maximum Rs 3 crore laga capital diye. Ekta source(jankari diya manu) para koisey, “Amikhan etu film(12^th fail) ke diboel thaka kimat laga hisap lagaia sey.” Bisi alag film khan bi subsidy nimitey apply kurisey. Delhi tu Indian aro foreign filmmakers duijun nimitey bi film khan shoot kuribole ekta favourite jaga huwa laga bawajut, juwa olop saal para Delhi te film shooting kora te mushkil ahisiley. Juwa 6 saal para loikina 7 saal tak, Ministry of Information and Broadcasting laga Film Facilitation Office tu Delhi te kaam kora laga process smooth kuribole kuribole kosis kuri asey, kuntu tu etya film shooting kuribole laga application barithaka para dikhibo parey(100 opor application paisey). Etu subsidy tu point system laga hisap te diboel asey. Etu tu 4ta category te evaluate korey.