New Delhi, 27 September : 12th World Para Athletics Championship 2025 shuru hoise aji Jawaharlal Nehru Stadium, New Delhi te. Itu nine-day championship te total 186 medal event thakibo. Itu te 101 men nimite, 84 women nimite aru ekta mixed event thakibo, sprint finish para endurance race oloi cover kori thakibo. Championship 5 tarik agey mahina te khotom hobo.
Indian para-athlete Deepthi Jeevanji qualify kori se medal round nimite Women’s 400 meter T20 event te prothom position loi. Ta laga timing 58.35 seconds thakise, jun ta laga season’s best performance hoise. Heat 1 te, Venezuela laga Leonela Coromoto Vera Colina prothom position loi se 57.10 seconds timing logot, itu bhi tai laga season’s best performance hoise. Ek hajar para bi beshi athlete aru eksho para bi beshi desh para participate kori ase Championship te. Kintu renowned player juntu star attraction hobo event te include korise Athanasios Ghavelas, Ezra Frech, James Turner, Catherine Debrunner, Fleur Jong, Magdalena Andruszkiewicz. Host India para bhi 70 para beshi athlete represent kori thakise.
India laga star player olop upor te eyes thakibo juntu include korise Sumit Antil, Preeti Pal, Praveen Kumar, Dharambir Nain aru Navdeep. Paris Paralympics club throw gold medallist Dharambir Nain aru double bronze-winning sprinter Preeti Pal India laga flag bearer hobo ceremony te. Gold medallist javelin thrower Sumit Antil clear favourite thakibo ta laga hat-trick gold medal complete kori bole.
Add Comment