April 20, 2024: 1,300 nishi nah manu kan eastern Myanmar para Thailand deh polai jai shae, officials para Saturday din deh kui shae. Itia tateh laka ekta border town deh jakara olai ase, kuto recently ethnic guerillas para capture kuri di shae.
Jua hapta, Karen ethnic minority kan laka fighters kan para Myanmar army laka outpost kan capture kuri di shae, Myawaddy laka pahel. Kuto Thailand lokot deh connected ase tuita bridges para.
Sobse nutun clashes kan tho Karen Guerillas para trigger kura ase. Karen Guerillas kan para Myanmar troops kan laka against ekta hamla launch kuri shae. Myanmar troops kan tho 2nd Thai-Myanmar Friendship Bridge osor deh lokai taki shae, police chief Pittayakorn Phetcharat para kui shae Thailand laka Mar Sot district deh. Tai para 1,300 nishi nah manu kan Thailand deh polai jai shae kui nah estimate kuri shae.
Thai officials kan para Friday din para manu kan cross kuri nah ahi ase kui shae. Myawaddy laka fall tho ekta major setback ase military karne, kuito para Aung San Suu Kyi laka elected government para power seized kuri shae. Myanmar kuto ekbar karne tho might armed forces taki shae, taikan jua Sal October mohina para jakara kan bishi hari nah ahi ase.
Clashes kuteh drones laka hamla aro airstrikes kan ase, etu kan tho Saturday noon para nahua hoi jai shae, hoile Mae Sot police chief Pittayakorn Phetcharat para tai, itia b kun bah gunshots huni ase kui shae. Tai para Thai authorities kan manu kan keh ekta safe jaka deh lui jabo kui shae.
Add Comment