Kohima, 06 August: Jowah kali (6th August 2019) 13th Nagaland Legislative Assembly laga fourth session suru hoise. Chief Minister & Leader of the House, Neiphiu Rio para Late Manohar Parrikar aro Late D. Donkupar Roy morija opor deh khobor janai kena Assembly session suru korise.
Late Manohar Parrikar, former Defence Minister toh Chief Minister of Goa nemide kaam kori thakise. Tai 14th March 2017 para suru kori kena tai mora din 17th March 2019 tak kaam kori thakise koise. Etu agae deh tai Chief Minister of Goa nemide 2000 to 2005 aro from 2012 to 2014 tak thakise koise. 2014 to 2017 tak tai Minister of Defence nemide kaam kora thakise koise. Tai be Uttar Pradesh deh Rajya Sabha laga former Member nemide thakise koise.
Late Dr. Donkupar Roy, Speaker of Meghalaya Legislative Assembly toh tai mora din 28th July 2019 tak office deh kaam kora thakise koise. Tai toh United Democratic Party laga head thaikise, Meghalaya deh recognized political party thakise aro Meghalaya laga Minister nemide be kaam kora thakise koise.
Nagaland Speaker, Vikho-o Yhoshu para Late Rokonicha, former Deputy Speaker of Nagaland Legislative Assembly aro former Minister of State mora laga khobor janaishe. Tai toh 73 sal 16th April 2019 deh morishe koise. Tai toh six par nemide Nagaland Legislative Assembly laga member karni thakise koise.
Tusara highlights deh, bill deh nama- Nagaland Nursing Council Bill, 2019, Nagaland Appropriation (No. 1 & 2) Bill, 2019 aro Nagaland Lokayukta (Amendment) Bill, 2019, Deputy Speaker juna, Nagaland Protection of Interests of Depositors (in Financial Establishments) (Amendment) Bill, 2018 suru kora, Amity University Nagaland, Act 2011 (Repeal) Bill, 2019, report anna deh- Nagaland Prize Chits and Money Circulation Schemes (Banning) Rules, 2017; Pharmacy Practice Regulation 2015 aro Nagaland State Mineral Development Corporation Limited annual report 2015-2016 thakise.
Annual Administrative reports of the Personnel and Administrative Reforms Department 2018-19; Justice & Law Department 2018-19 and Soil & Water Conservation Department 2018-19 be anna thakise. Government Assurance (6th session of the 12th Nagaland Legislative Assembly) deh 95th Report of Committee laga copy be present kora thakise.
Registration of Indigenous Inhabitants of Nagaland (RIIN) and Inner Line Permit (ILP) opor deh be kotha korise aro etu opor deh August 8 direk deh kotha kori thakibo.
Sharingain ke Deputy Speaker nemide junishe
Ungma bosti laga 37 sal Sharingain Longkumer ke 13th Nagaland Legislative Assembly laga fourth session nemide Deputy Speaker nemide junishe.
Sharingain toh etu par 26th Aolenden Assembly Constituency nemide election lowah time deh elect howah thakise. Tai Mokokching district pethor para election deh khara howah thakise.
Sharingain Longkumer toh Lt. Nungshizenba Longkumer laga bacha ase. Tai NDPP ticket para May 23, 2019 deh elect howah thakise. Aji kali tai toh Business Association Darogapathar, Dimapur nemide legal adviser ase.
Assembly session deh Question Hour
Jowah kali morning assembly session deh questioning hour thaga time deh Yitachu, MLA para hotha ke Minister, P. Paiwang para jawab deya thakise. Tai para Waterways Projects over Tizu opor deh koise, technical expertise komti howah nemide State Government ke IWAl nemide request janaishe. Kelay koile Tizu-Zungki river nemide Detailed Project Report (DPR) toh thek para daiyari koribo nemide.
India aro Myanmar majode Development of Tizu-Zungki river nemide Inland waterway corridor, IWAI ke arobe DPR daiyari kuribole nemide kaam deshe.
WAPCOS Limited para DPR daiyari toh progress deh ase aro IWAI ke joldi report debole biswaas kori ase. Paiwang koise, State Govt. Laga recommendation deh NIWB toh aro Chairmanship of M.P (Rajya sabha), K.G. Kenye laga pethor deh 03/07/2017 deh bonaise. WAPCOS team khan DPR daiyari koribo nemide Logistic support aro security toh state government para deshe.
Advocate General para court deh koise, State toh hug ase tusara legal remedies deh kethabo nemide. Etu toh sob remedies khan ke paijabo. Case toh part heard thakise aro etu opor deh 6th September 2019 deh honai debo.
Patton koise, State Government para Engineers Enterprise Private Limited (M/s Ghosal & Co.) deh kelaaf korikena 16 July 2018 deh Counter affidavit file korise.
Tai koise Government toh rights nemide fight koribo karni sob step loi ase aro Joint Parliamentary Committee toh vide AS/LEG27/ 2018/ 1103 dated 26th October, 2018 deh bonaise.
Etu opor deh Cabinet meeting toh 29 June deh lowah thakise aro meeting deh Joint Parliamentary Committee laga members khan 15 July, 2019 deh court hearing thaga time deh hesha thakibole fesla korise.
14th July, 2019, Kolkata deh Joint Parliamentary Committee toh Advocate General etu cases opor deh thek para kotha kora thakise. Committee member khan be 15th July 2019 deh Calcutta High Court hearing deh hesha thakise.
Advocate General para gara kelaaf korise Government laga right rent nemide aro state property nemide control kuribole.
Etu hona bechide Joint Parliamentary Committee toh Advocate General aro tai laga team Advocates logode kotha kora thakise aro etu cases opor deh meli kena fight kuribole kotha korise.
MLA, Dr. Chotisuh Sazo para Polytechnic College, Tsunazho, Chetheba deh keman post olaise aro NPSC aro recruitment board para keman jun ke appoint korise koikena hotha thakise. Etu opor deh Minister for Higher & Technical Education, and Tribal Affairs, Temjen Imna Along koise, appointment toh institution lagi thaga hisaab deh NPSC pethor deh junishe.
Add Comment