Kohima: Kisama, Naga Heritage Village, Amphitheatre te 4th December 2019 te 13th International Hornbill Naga Wrestling Championship 2019 dhakise.
Dr. Neiphrezo Keditsu, Chairman, Nagaland Khadi & Village Industries Board pora etu Championship ke khuli dise. Tai pora Naga Wrestling Association logot etu wrestling ke ama khan laga society te promote kuriya etya international sport event bhi hoi jai diya karne khushi janaise. Tai pora Australia, Delhi, Jharkhand aro Nagaland laga player khan ke phal pora khilibole koise.
President NWA, Neivikuolie pora koise ki Naga society te wrestling toh chutu tangor umar duita pora bhi khushi baa ektam important sports sports ase. Naga laga bhitor te indigenous games aro sports, wrestling toh ektam back bone bonai dise aro eksat hoi kena khushi pora dhakibole atma ase. Tai pora koise wrestling pora indigenous aro non-indigenous manu khan ke sat bonai dise aro moi khan laga culture ke mili dise.
Final te Vekutho Soho pora Mhasilhousie Nagi ke harai kena Championship chitise. Tai pora cash award Rs. 1,20,000 paise aro runner-up pora Rs. 80,000 paise.
Menuosetuo Yiese aro Kezhavizo Thevo duijun semi-finalists hoise. Taijun pora cash award Rs. 30,000 paise.
Add Comment