Mizoram Police aru Assam Rifles Khan Milikina Choita Rilfes Hatiar Banduk Durishe Serchhip te, Ekta Manu ke Durishe

Mizoram, December 1, 2024: Mizoram Police khan aru Assam Rilfes khan mili kina Serchhip District te operation kurishekoishe, Yete taikhan ekta gari ke rukhai she aru Choita 12 bore single rifles banduk durishe koishe, yete ekta manu ke bi durishe koishe. November 29 din te, taikhan khobor pai kina, taikhan rasta te Gari ja khan ke check kurishe koishe, Yete Check Post te. Aru taikhan ekta gari ke rukhai she koishe, aru taikhan gari bitor te bisarea homoi te, taikhan choita 12 bore single barrel rifles banduk durishe koishe. Aru ekta manu kebi durishe koishe. Yete durea man ke aru hatiar khan bi Mizoram Police khan laga haat te didishe koishe. Aru etu agea week Friday din te bi, Excise aru Narcotics Department khan Drug Disposal Committee khan logote milikina, dangor jaga nishina drug toh bisarishe koishe, Bethani Multi-purpose Farm Aizawl laga Phunchawng jaga te. Yete ja 3da moina te drugs pa khan sob milai kina, Narcotics khan drugs bishi durishe koishe, aru yete Local market te toh Rs 11,50.080 nishina ase koise.